بوابة الأشرف

أستغفر الله العظيم والحمد لله رب العالمين الرزاااااااق الغنى الكريم <<<<< كل عام وأنتم بخير بمناسبة قدوم شهر رمضاااااااان المبارك <<<<< جارى التجهيز لكل ما يتعلق بالعام الدراااااااسى الجديد 2024-2025



العودة   بوابة الأشرف > منتديات الأقسام العامه > إبداعات بأقلام كتابنا

إنشاء موضوع جديد  إضافة رد
قديم 07-17-2016, 09:40 PM
  #1
 الصورة الرمزية الفارس الأشرف
 
تاريخ التسجيل: Sep 2012
الدولة: مصر-القاهره
العمر: 36
المشاركات: 164,121
29 رساله من السيده سميحه 2016 مقاله بقلم حمدى رزق

رساله من السيده سميحه
2016
مقاله بقلم حمدى رزق




أتفق مع المهندس صلاح حافظ تماماً، وواضح أن سيادتك لم تستثمر فلوسك من قبل فى مشروع إنتاجى فى مصرنا الحبيبة، ومن فعل هو من يحق له الكلام، اسأل صاحب مصنع شغّل العمالة المصرية الرخيصة واكتوى بنارها إزاى؟؟؟ وخصوصاً إذا قلّيت عقلك واشتغلت فى التصدير!!!


عدم الانتظام فى المواعيد وضعف الإنتاجية، ومافيش مانع يغيب العامل فى عز الشغل، لا احترام مطلقاً لقيمة العمل، ولّا أقولك بلاش، أصحاب المصانع دول بيستغلوا عرق العامل الغلبان، جرّب تسأل صاحب ورشة نجارة أو منجد أو حتى جرّب تعيد دهان شقتك وشوف العذاب اللى بيعانيه صاحب العمل.


الواضح أن سيادتك بتمجد المجهود العضلى فقط، أما الفكر والمغامرة بتحويشة العمر والاقتراض من البنوك بأسعار فائدة تُخرجنا من المنافسة العالمية، لا تقيم لها وزناً!!! أضف إلى هذا احتمال الخسارة والسجن لو عجزت عن السداد، كل هذا يهون طالما خلقت فرص عمل، وياريت فيه «شكرانية»، لو وقعت فأنت بتسرق أموال الشعب، بتهرب بجلدك، والصحف تفضحك، وتحكى وتتحاكا عن ضعاف النفوس اللى فتحوا المشروعات ذريعة لنهب أموال الأرامل واليتامى!!.


طبعاً مش عاوزة أنبهك إلى مطاردات الجهاز الحكومى بموظفيه «الفسدة»، هؤلاء يحطمون أعصابك بإيقاف حالك حتى تدفع، ومع مراحل الإنتاج تظهر المصاريف الباهظة التى لازم تدفع علشان يخرج الإنتاج، وآه لو رفضت أو تهورت واشتكيت، فى لمح البصر تتلفق لك قضية بمخالفات جسيمة أو ارتكاب جرائم توديك «طرة»، أما إذا لجأت إلى المحاكم، فأنا مثلاً بقالى 16 سنة ولسه 16 سنة أخرى، ولا أظن سيمتد عمرى لأعرف الحكم، وعلى فكرة فى هذه الأثناء تكون فلّست والبنوك بتجرى وراك.


أنا لست وحدى أعيش مأساة الاستثمار فى أرض الوطن، هناك طابور طويل ينتظر معى وليس لدى جنسية أجنبية تسمح لى بتحكيم دولى!!!.


أما بالنسبة للحيتان الكبيرة اللى بتشترى أراضى إلى جانب مصانعها وتحولها إلى منتجعات، فهم معذورون، الاستثمار العقارى هو الوحيد اللى بيعوّض خسارة الإنتاج، وعملاً بمقولة لا تضع بيضك فى سلة واحدة، أنا على عكسك أحترمهم، لأنى لا أملك الشجاعة والرؤية ليبنوا فى الصحراء ويبيعوا بالأسعار المرتفعة التى يطلبوها، فأنا لم أرَ «مدينتى» مكانًا صالحًا للسكن وقت أن بدأ طلعت مصطفى، فبرافو عليه، وينطبق نفس الكلام على مستثمرين آخرين اقترضوا من البنوك (اللى أصلًا عملها الإقراض) وجازفوا بالبناء فى الصحراء أو بناء فنادق فى شرم أو الغردقة، فإذا توقفت السياحة مش مهم لما يخسر فداء الوطن، أما إذا حقق مكاسب ننقض عليه مطالبين بحق الشعب الكادح اللى رافض يشتغل أصلًا وبيخلّف بلا حساب وينفق على الموبايل مليارات.


طيب خلى الشعب الكادح يعمل لنفسه مشاريع، وطبعاً مش هيكسب منها لأنهم بيحبوا مصر، مش الأغنياء اللى بيمصوا دمها، خلى الحكومة تجوّزهم وتعلمهم وتسكّنهم هذا حقهم، أما واجباتهم فى تحديد النسل أو احترام القانون أو العمل فهم أحرار، ممكن مواطن يستولى على رصيف، ياخد إتاوة من السيارات، أو يحتل الرصيف وأحياناً حرم الشارع نفسه (شوف العتبة) أو يسوق «توك توك» بدون ترخيص مش مهم، «أكل عيش» هذا هو الرد لو فكرت تعترض!.


أنا على فكرة من مؤيدى استعادة أراضى الدولة من البلطجية الذين استولوا عليها، وكذلك هدم الأبراج المخالفة، ولكن بنفس الهمة والنشاط اتخذوا إجراءات ضد البناء على الأرض الزراعية اللى البسطاء عمالين يبوّروها، لكن دول مساكين ما يقدروش يسكنوا فى الجبل بعيد!.


كفاية بقى إحنا بقالنا سنين بنحاول نتخلص من «الفكر الناصرى» اللى أصدر قانون العمل المتسبب للآن فى فشل معاقبة موظف حكومى أو عامل، ولا قوانين السكن اللى خربت الثروة العقارية وتسببت فى أزمة السكن، أما القطاع العام والدعم فحدّث ولا حرج.


النهارده لن يأتى مستثمر أجنبى أو مصرى لمصر بعد أن حاكمتموهم على شراء الأراضى بالسعر اللى الحكومة حددته والمطالبة بالفارق (حكومة مالهاش كلمة)، عمرك شفت بلد بتحاسب الممول على فرق المحاسبة بعد عشرين سنة وبأثر رجعى!!! لا وإيه الحكومة بتشجع الاستثمار فى مصر.. بإيه إن شاء الله!!!، المستثمر ييجى مصر يعمل إيه وكل يوم بحال، إحنا مش عارفين نعمل الشباك الواحد!!


وأخيراً، فى هذه الأجواء العدائية للغنى، وحكومة لا تثبت على حال، وعدم استقرار سعر الصرف، أقل حاجة تعملها الحكومة تديله الأرض ببلاش (وترجع تاخد ثمنها منه بأى طريقة.. بالضرائب)، وأظن أن المستثمر لن يأتى لأن جميع الدول التى تعطى أراضى تحترم التزاماتها.. ولو جه يبقى عبيط!!.



اللهم وفقنا جميعاً إلى كل الخير
مستر أشرف فوده

الفارس الأشرف غير متواجد حالياً  
رد مع اقتباس
قديم 07-17-2016, 09:51 PM
  #2
 الصورة الرمزية الفارس الأشرف
 
تاريخ التسجيل: Sep 2012
الدولة: مصر-القاهره
العمر: 36
المشاركات: 164,121
افتراضي رد: رساله من السيده سميحه 2016 مقاله بقلم حمدى رزق


You’ re Welcome
Good Bye and Good Luck
Mr. Ashraf Fouda
الفارس الأشرف غير متواجد حالياً  
رد مع اقتباس
قديم 07-17-2016, 09:52 PM
  #3
 الصورة الرمزية الفارس الأشرف
 
تاريخ التسجيل: Sep 2012
الدولة: مصر-القاهره
العمر: 36
المشاركات: 164,121
افتراضي رد: رساله من السيده سميحه 2016 مقاله بقلم حمدى رزق

الفارس الأشرف غير متواجد حالياً  
رد مع اقتباس
إنشاء موضوع جديد  إضافة رد

مواقع النشر (المفضلة)

الكلمات الدلالية (Tags)
2016, من, مقاله, السيده, بقلم, حمدى, رساله, رزق, سميحه


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
خبر فى صوره بوستات أحمد الطيب رحم الله الشيخه سميحه بكر البناسى أقدم محفظه للقرآن الفارس الأشرف أخبار مصريه 2 08-29-2020 01:31 PM
ظلمنا الحكومه 2016 مقاله بقلم طه عمر محمد الفارس الأشرف إبداعات بأقلام كتابنا 2 03-31-2017 11:37 PM
جيش مصر شعب مصر 2016 مقاله بقلم فاطمه ناعوت الفارس الأشرف إبداعات بأقلام كتابنا 2 07-23-2016 10:46 AM
شبه الدوله و شبه المنحرف 2016 مقاله بقلم سليمان الحكيم الفارس الأشرف إبداعات بأقلام كتابنا 2 07-17-2016 09:52 PM
إنقلاب على أردوجان 2016 مقاله بقلم عمرو الشوبكى الفارس الأشرف إبداعات بأقلام كتابنا 2 07-17-2016 09:52 PM

RSS 2.0 RSS XML MAP HTML Sitemap
بوابة الأشرف التعليمية


Loading...





Powered by alashrafedu® Copyright ©2000 - 2018, Jelsoft Enterprises Ltd.